Гучы, беларускае слова!

“Не саромся, беларус, гаманіць па-свойму — на роднай мове бацькоў і дзядоў сваіх. Шануй сваю мову, шануй свае песні, свае казкі, звычаі і ўсё роднае — гэта спадчына дзядоў і вялікі нацыянальны скарб”.              

                                                                                                                                                                                Змітрок Бядуля

Міжнародны дзень роднай мовы – асаблівы дзень, абвешчаны на 30-й сесіі ЮНЕСКА ў 1999 годзе. Гэты дзень з’яўляецца асаблівым для кожнай нацыі, кожнага народа, бо няма народа без мовы, няма мовы без яе носьбіта.  І мы, беларусы, не выключэнне. Нам у спадчыну  засталася ўнікальная мова  – жывая і  мілагучная,  песенная і паэтычная, старажытная і сучасная.

Дні роднай мовы ў Беларусі пачалі адзначацца ў дзяржаўных ўстановах з 2009 года. Сэнс гэтага свята – папулярызацыя моўнай разнастайнасці і шматмоўнай адукацыі, а таксама спрыянне ўсведамленню моўных і культурных традыцый, якія грунтуюцца на ўзаемаразуменні, цярппенні і дыялогу.

Свята мовы ў ДУА “Роскі дзіцячы сад” распачалося з ранішніх хвілінак роднай мовы. Менавіта ў гэты дзень прайшло мерапрыемства “Мой родны кут”, на якім гучала звонкая, яскравая, мілагучная родная мова. Спачатку на парозе сваёй утульнай беларускай хаткі прывітала маленькіх гасцей Гаспадыня. Яна прапанавала выхаванцам адгадаць тое, што знаходзіцца ў куфары, які ёй перадала бабуля і сказала, што гэта тое, што  неабходна для гульняў, у якія гулялі нашы продкі. Дзеці выказавалі свае меркаванні адносна таго, што можа быць у куфары. А пасля кожнай гульні-асацыяцыі выхаванцы  ўпрыгожвалі свята беларускімі вершамі “Карта роднай Беларсі”, “Блакіт нябёс”, “Радзіма”, песнямі “Калі ласка”, “Мы жывем у Беларусі” і танцамі “Рушнікі”, “Пакланіся сябру”.  Завітаў да самых маленькіх выхаванцаў і Дзед-Усявед, які прынёс з сабой цікавыя беларускія загадкі, а таксама апавяданні пра традыцыі продкаў. Дзеці з заахвочваннем слухалі Дзеда-Усяведа, адпавядалі на яго пытанні, узгадвалі свае любімыя словы па-беларуску. Вельмі цікава і займальна прайшло свята. Дзякуем дзецям і іх бацькам, а таксама падагогам за актыўны ўдзел у свяце роднай мовы.

Паказаць прыгажосць і багацце моўнай спадчыны беларускага народа падчас розных відаў творчасці (дзейнасці), выхаваць пачуццё любові і зацікаўленасці да роднага слова — гэта была мэта правядзення тэматычнага дня беларускай мовы ў нашым садзе.

“Толькі тады цябе ўсе будуць шанаваць як чалавека, калі сам сябе будзеш шанаваць —калі  не адкінеш свайго нацыянальнага ўласнага багацця. А першы скарб нацыянальны – гэта родная мова”.  

                                                                                                                                                                         Змітрок Бядуля